Tələbələrin nəzərinə!
SOCAR Polymerin elan etdiyi "Yay Təcrübə Proqramı" na ərizə qəbulu başladı
“SOCAR Polymer” 2022-ci il üzrə elan etdiyi Yay Təcrübə Proqramına ərizə qəbulunu açıq elan edir. Tələbələr “SOCAR Polymer” şirkətinin Sumqayıt şəhərində yerləşən Polipropilen və Yüksəksıxlıqlı Polietilen zavodlarının istehsalat sahəsində və ya ofisində təcrübə keçəcəklər.
Təcrübə 8 həftə davam edəcək. Təcrübəçilər şirkətlə tanışlıqdan sonra real tapşırıqlar üzərində işləyən kollektivə qoşulacaqlar. Tələbələrə qəbul edildikləri təcrübə sahəsinin incəlikləri ilə yanaşı, müxtəlif təlimlər təşkil olunacaq, onlara mütəxəssislə görüşmək, eləcə də onlardan peşəkar rəy almaları üçün çoxlu imkan yaradılacaq.
Qeyd: Bu proqram insan resursları, materialların idarəolunması, texnologiya, laboratoriya, hüquq, İnformasiya Texnologiyaları, maliyyə, sənədlərin idarəolunması, SƏTƏM, texniki dəstəyin planlanması, mühəndislik, texniki dəstək, təchizat sahələri üzrə bilik, bacarıq və təcrübələrini artırmaq istəyən tələbələr üçün nəzərdə tutulub.
İştirakçılar yay təcrübəsi proqramına qatılmaq üçün www.socarpolymer.az saytının “Karyera > İstehsalat Praktikası Proqramı” bölməsində yerləşdirilmiş ərizə formasını doldurmalıdır. Namizədlər öz bilik və bacarıqlarına, eləcə də seçəcəkləri karyera istiqamətlərinə ən uyğun olan bir və ya iki təcrübə sahəsi üzrə proqrama qatılmaq üçün ərizə verə bilərlər.
Yüksək təhsil göstəricilərinə və ingilis dilində yaxşı oxuma-yazma bacarıqlarına malik olan, bakalavr pilləsinin son kursunda və ya magistraturada təhsil alan tələbələr müsabiqədə iştirak etməyə dəvət olunurlar.
Müraciət üçün son tarix 30 apreldir.
Daha ətraflı məlumat üçün:
https://www.socarpolymer.az/az/news/449.html
Hər birinizə uğurlar arzulayırıq!
#ADAU #AdauKaryeraMərkəzi #karyerayabizimləbaşla #SOCARPolymer #2022summerinternship #internship #university #students #summerinternship